Nəqliyyat naziri Ziya Məmmədovun ətrafında baş verən müəmma davam etməkdədir.

Xeberinfo.com:   Məzuniyyətdən qayıtdıqdan sonra haqqında danışılanlara nisbətən aydınlıq gətirsə də, səlahiyyətlərinin əlindən alınması və şəxsən dövlət başçısının ona münasibəti Ziya Məmmədovun hazırkı durumunun heç də yaxşı olmadığını göstərir. Xatırlayırsınızsa, Ziya Məmmədov yalnız milli təhlükəsizlik naziri Eldar Mahmudovun vəzifəsindən uzaqlaşdırılmasından sonra üzə çıxdı və haqqında deyilənlərə kövrək münasibət bildiridi. Görünür, İlham Əliyev iki ciddi fiqurun eyni vaxtda vurulmasından ehtiyat etsə də, Ziya Məmmədova münasibətində də dəyişiklik etmək niyyətində deyil. Bunu noyabrın 4-də Şəki-Qax-Zaqatala avtomobil yolunun Şəki-Qax hissəsinin yenidənqurmadan sonra açılışına  Ziya Məmmədovun dəvət olunmaması bir daha təsdiq edir. Maraqlıdır ki, bu dəfə də yol açılışında İlham Əliyevi nəqliyyat naziri Ziya Məmmədov yox, “Azəryolservis” ASC-nin sədr əvəzi Saleh Məmmədov müşaiyə edib.

azadliq.info