AZ
RU
Suriyadan daha 3 azərbaycanlı öldürüldü
"xeberinfo.com": Suriyada daha üç Azərbaycan vətəndaşı öldürülüb. Bu barədə Əsədə qarşı döyüşən silahlı qruplara məxsus saytlar məlumat yayıb. Məlumata görə, “Əl-Nüsra Cəbhəsi” sıralarında Bəşər Əsədə qarşı vuruşan azərbaycanlılar hökumət qüvvələri tərəfindən öldürülüb.
Silahlılar həmin şəxslərin fotolarını da yayıblar.
Öldürülən azərbaycanlılardan ikisinin kimliyi açıqlanmasa da, digərinin adının Urfan olduğu bildirilir. Məlumata görə, Urfanın daha bir qardaşı isə bir neçə il əvvəl Əfqanıstanda öldürülüb.
Məlumata görə, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-ə yaxın azərbaycanlı öldürülüb. Onların bir çoxunun fotosunu silahlılar sosial şəbəkələrdə yayıblar.
