AZ
RU
Fici polisi rusiyalı milyarder Süleyman Kərimova məxsus 325 milyon dollar dəyərindəki lüks yaxtaya həbs qoyub.
Yenixeber.org: Fici polis rəisi Sitiveni Qiliho bildirilib ki, ölkənin ikinci ən böyük şəhəri olan Lautokada lövbər salan təxminən 106 metr uzunluğundakı yaxta gömrük giriş icazəsi olmadığına görə saxlanılıb.
Polis rəisi qeyd edib ki, Kərimovun “Amadea” yaxtası bütün tədqiqatlar tamamlandıqdan sonra Fici sahillərini tərk edəcək.
Həmçinin Avropa İttifaqının Sakit Okean Nümayəndəliyinin rəhbəri Sujiro Seam rus oliqarxlarının aktivlərinə qarşı sanksiyalarla bağlı Fici də daxil olmaqla tərəfdaş ölkələrlə müzakirələrin davam etdiyini bildirib.
Qeyd edək ki, Rusiya prezidenti Vladimir Putinə yaxınlığı ilə tanınan və “Rusiyanın ən zəngin 9-cu adamı” olaraq xarakterizə edilən “qızıl kral” Süleyman Kərimovun Forbes jurnalına görə 14,5 milyard dollar sərvəti var.(“Fiji Sun”)
