2015-ci ildə SOCAR (Azərbaycan Dövlət Neft Şirkəti, ARDNŞ) dövlət büdcəsinə 1 milyard 480 milyon 195 min manat vəsait ödənilmişdir.

Xeberinfo.com:   Bu barədə şirkətin rəsmi saytında yerləşdirilmiş məlumatda deyilir.

SOCAR 2014-cü ilin yanvar-dekabr aylarında büdcəyə 1 milyard 855 milyon 230 min manat vəsait ödənilmişdi. SOCAR ötən il büdcəyə 2014-cü illə müqayisədə 375 milyon manat və ya 20% az vəsait ödəyib.
Ötən ilin dekabr ayında şirkət dövlət büdcəsinə 75 milyon 320 min manat məbləğində vergi ödəyib.

2015-ci il ərzində SOCAR-ın Dövlət Sosial Müdafiə Fonduna (DSMF) icbari sosial sığorta üzrə ödənişləri 139 milyon 294 min manat təşkil edib. 2014-cü ilin yanvar-dekabr aylarında Şirkət tərəfindən Dövlət Sosial Müdafiə Fonduna ödəniş 141 milyon 240 min manat təşkil etmişdi.

Bununla yanaşı, dekabr ayında şirkət DSMF-ə 12,688 mln. manat məbləğində ödəniş həyata keçirib.
SOCAR-ın 2015-ci il üçün dövlət büdcəsinə vergi ödənişləri üzrə plan 1,5 mlrd. manat səviyyəsində müəyyən edilmişdi.