AZ
RU
Ukrayna hərbi kömək istədi
Bu barədə Ukraynanın xarici işlər naziri Pavel Klimkin bildirib
Ukrayna Avropa Birliyindən və NATO-dan hərbi kömək istəyib
"Xeberinfo.com": ANS PRESS-in məlumatına görə, bu barədə Ukraynanın xarici işlər naziri Pavel Klimkin bildirib. O qeyd edib ki, əgər biz hərbi kömək alsaq bizim qoşunlarımız yerlərdə daha asan hərəkət edəbiləcək.
Nazir Rusiya təhlükəsini olduqca ciddi olduğunu söyləyib. Onun sözlərinə görə, Ukrayna qoşunları həmsərhəd dövlətin ərazisindən daim atəşə tutulur. Rusiya separatçılara silah dəstəyini dayandırmır.
Klimkin NATO-dan Ukraynayla əlaqələrin strategiyasında dəyişik edilməsini tələb edib: "Ukrayna üçün yalnız orduya dəstək deyil, həm də siyasi dəstəyə ehtiyac duyulur. Eyni zamanda, gündəlikdə NATO-da Ukraynanın üzvlüyü məsələsi hələ ki yoxdur, çünki Ukrayna cəmiyyətində bu məsələ ilə bağlı razılıq əldə olunmayıb".
Qeyd edək ki, bu gün Ukraynanın xarici işlər naziri öz rusiyalı həmkarı Serqey Lavrovla Berlində görüşəcək. Görüşdə həmçinin Almaniyanın və Fransanın xarici işlər nazirləri də iştirak edəcək. Onlar Ukraynanın şərqində yaranmış mövcud vəziyyəti müzakirə edəcəklər.
