Akademik Zərifə Əliyevanın 95-illik yubileyinə həsr olunmuş “Nəsillərə nümunə olan ömür yolu” mövzusunda tədbir keçirilib

Yenixeber.org: 27 aprel 2018-ci il tarixində Leopold və Mstislav Rostropoviçlər adına 21 saylı musiqi məktəbində Azərbaycan Respublikasının əməkdar elm xadimi, tibb elmləri doktoru, akademik Zərifə Əziz qızı Əliyevanın 95-illik yubileyinə həsr olunmuş “Nəsillərə nümunə olan ömür yolu” mövzusunda tədbir keçirilmişdir.

Tədbirdə Nərimanov Rayon İcra Hakimiyyətinin başçısı Abdin Fərzəliyev, Millət vəkili Jalə Əliyeva, Akademik Zərifə Əliyeva adına Milli Oftalmologiya Mərkəzinin bölmə müdiri Yazgül Abdiyeva qayğıkeş insan, mehriban ana, insanlara nur bəxş edən alim Zərifə xanımın zəngin və mənalı ömür yolundan danışaraq onun güclü şəxsiyyət və dərin zəka sahibi kimi ömür-gün yoldaşı, ulu öndərə etibarlı mənəvi dayaq olduğunu, ləyaqətli, humanist, xeyirxah insan kimi ürəklərdə iz qoyduğunu qeyd etmişlər.

YAP Nərimanov rayon təşkilatının Qadınlar şurasının sədri Məhəbbət İbrahimova, Nərimanov Rayon İcra Hakimiyyəti başçısının müavini İradə Mahmudova, rayonun müəssisə və təşkilat rəhbərlərinin iştirakı ilə keçirilən tədbirdə akademik Zərifə Əliyevaya həsr olunmuş slaydlar nümayiş edilmiş, sonra məktəb şagirdləri Respublika və Beynəlxalq müsabiqələr laureatı Elvin Salmanovun, Toğrul Abdullayevin, Vüqar İbadovun və digər şagirdlərin ifasında musiqi nömrələri səslənmişdir.