AZ
RU
BMT baş katibi Rusiya xalqına başsağlığı verib
BMT Baş katibi Antoniu Quterriş Rusiyada Moskva vilayətində "An-148" təyyarəsinin qəzaya uğraması nəticəsində həyatını itirənlərin ailələrinə başsağlığı verib
Yenixeber.org: Bu barədə onun rəsmi nümayəndəsi Stefan Düjarrikin "Twitter" səhifəsində bildirib.
"O, Moskva vilayətində baş verən faciəli hadisəni dərin kədər hissi ilə öyrəndi və ölənlərin yaxınlarına, bütün Rusiya xalqına dərin hüznlə başsağlığı verir", - səhifədə yazılıb.
Xatırladaq ki, "Saratov airlines" şirkətinə məxsus "An-148" təyyarəsi fevralın 11-də "Domodedovo" aeroportundan havaya qalxdıqdan bir neçə dəqiqə sonra qəzaya uğrayıb. Hava gəmisinin göyərtəsində 65 sərnişin və 6 ekipaj üzvü olub, onların hamısı ölüb.
Sərnişinlər arasında bir Azərbaycan vətəndaşı Namiq Qəhrəmanov da olub.
