"QAYA NƏQLİYYAT" Məhdud Məsuliyyətli Cəmiyyətinin dövlətə böyük məbləğdə vergi borcu olduğu məlum olub.

Yenixeberorg.com: Məlumata görə, nəqliyyat sektorunda fəaliyyət göstərən şirkətin hazırda büdcəyə ödəməli olduğu vəsaitin məbləği 357 056,45 manat təşkil edir.

Qanuni təmsilçisi Tağıyev Şöhrət Dərdayıl oğlu olan və cəmi 10 manatlıq nizamnamə kapitalı ilə yaradılan MMC Bakı şəhəri, Binəqədi rayonu, Biləcəri qəsəbəsi, 1-ci Mədən küçəsi, ev 83 ünvanında hüquqi qeydiyyatdadır.

Qeyd edək ki, Şirkət 2024-cü ilin oktyabr ayında İnzibati Xətalar Məcəlləsinin 464-cü maddəsinə əsasən məcburi auditdən yayındığı üçün cərimələnib.

Mətbuatda gedən məlumatlara görə, Şirkətin bəzi keçmiş sürücüləri əmək haqlarının ödənilməməsi, əmək istismarı və qanunsuz işdən çıxarılma iddiaları ilə mətbuatda çıxış ediblər. Məsələn, bir sürücü qəza səbəbindən işdən çıxarıldığını və son ayın maaşının ödənilmədiyini iddia edib.

Mətbuatda gedən digər məlumata görə, Şirkət digər hüquqi şəxslərlə, məsələn, "Caspian Road" MMC ilə müqavilə öhdəlikləri üzrə Bakı Kommersiya Məhkəməsində mübahisə yaşayıb.(32gun.az)