AZ
RU
Diqqət, diqqət! Mətbu oğurluq kütləviləşir
“xeberinfo.com”: Son vaxtlar bəzi “sayt”lar vaxt və enerji itirmədən səhifələrini xəbər və araşdırmalarla zənginləşdirirlər. Daha açıq desək, de-fakto fəaliyyətdə olan saytlardan oğurluq etməklə məlum məqsədlərinə çatmağı hədəfləyiblər. Doğrudur, bir saytın digərinin yazılarını yayımlaması normaldır. Amma mövcud qayda və prinsiplərə uyğun: istinad etmək birmənalıdır. İnanmaq çətindir ki, jurnalistikanın bu əlifbasını bilməyən olsun. Belədə bilib də əməl etməməyin adı birdir-OĞURLUQ.
Təəssüf ki, bu sayaq oğurluğa məruz qalan saytlardan biri də “xeberinfo.com”dur. Son vaxtlar bəzi “jurnalist”lər saytımıza istinad etmədən xəbər və araşdırmalarımızı olduğu kimi “kopyalayırlar”. Bizim vaxt və enerji xərcləyib hazırladığımız yazıları öz məhsulları kimi lazım olan ünvanlara təqdim edirlər.
Ümüd edək ki, bundan sonra “dostlarımız” öz prinsiplərinə deyil, az-çox olsa da jurnalistikanın prinsiplərinə əməl edərlər.
