AZ
RU
Qalmaqallı sinifə şagirdlər hələ də dərsə getmir
Nəsimi rayonu 14 saylı tam orta məktəbin "3-Ç" sinfinin şagirdlərinin dərsə getməməsi ötən gündən etibarən sosial şəbəkələrdə müzakirələrə səbəb olub
Yenixeber.org: Bu gün də 31 uşağın valideyni övladlarını dərsə göndərməyib.
Bakı şəhəri üzrə Təhsil İdarəsindən bildirilib ki, hazırda psixoloqların, BŞTİ-nin mütəxəssislərinin iştirakı ilə araşdırma davam edir. Vəziyyət dünənkindən dəyişməyib. Çünki ilk növbədə valideynlərin mövqeyi uzlaşdırılmalıdır. Hələ ki belə uzlaşma yoxdur. Valideynlər arasında söhbət aparılır. Məktəb hamıya oxuması üçün bərabər imkanlar yaradır. Bunu qanunvericilik tələb edir.
Araşdırma nəticəsində psixoloqlar, mütəxəssislər müvafiq rəy verəcək. Məktəbdə tədris olduğu kimi davam edir. Hər hansı məktəbli dərsə getməyəndə məktəb onun valideyni ilə əlaqə saxlayır. Uşaqların dərsdən qalmağı valideynlər üçün narahatlıq yaratmalıdır".
