AZ
RU
"Müdafiə Sənayesi Nazirliyi ləğv olunsun"
Milli Məclisin deputatı Zahid Oruc yeni təklif səsləndirib.
Xeberinfo.com: Məlumata görə, bunu jurnalistlərə açıqlamasında bitərəf deputat Müdafiə Sənayesi Nazirliyinin mövcud iqtisadi şəraitdə ləğv olunaraq, başqa nazirliyə birləşdirilməsini mümkün sayıb.
"Hazırkı dövrdə dövlət idarəetmə sistemində aparılan islahatlar çərçivəsində Müdafiə Sənayesi Nazirliyinin başqa nazirliyə, məsələn, İqitsadi İnkişaf yaxud Müdafiə nazirliklərindən birinə birləşdirilməsini normal qarşılayaram. Mahiyyət etibarilə Müdafiə Sənayesi Nazirliyi bir sənaye qrupudur və çoxsaylı zavodlardan ibarətdir. Onun nazirlik statusu daşımasını qoy hökumət üzvləri gözdən keçirsinlər".
Bununla belə, deputat Müdafiə Sənayesi Nazirliyinin fəlaiyyətini vacib bilib və cəmiyyətdə müsbət siqnallarla qarşılandığını deyib.
Müdafiə Sənayesi Nazirliyi ölkə başçısının 16 dekabr 2005-ci il sərəncamı ilə yaradılıb. Elə həmin vaxtdan Nazirliyə Yavər Camalov rəhbərlik edir.
