Xeberinfo.com:  Bakı-Quba yolunun Saray-Ceyranbatan hissəsində 1 km yolun təmiri bitmir ki, bitmir... Zamanında bu yolun çəkilişi ilə bağlı müxtəlif söz-söhbətlər də dolanırdı. Başlıcası isə nəqliyyat naziri Ziya Məmmədovla məşhur bir Alman şirkəti arasında yaşanan problemlə bağlı xəbərlər oldu. O zaman belə bir xəbər yayılmışdır ki, nəqliyyat naziri bu yolun çəkilişini həyata keçirməli olan məşhur bir Alman şirkəti ilə “anlaşa bilməyib”. Bu səbəbdən də şirkət yolun çəkilişindən kənarlaşdırılır və Ziya Məmmədovun sayəsində Bakı-Quba beton yolu yerli təşkilatların ümüdünə qalır...

30 il qarantiya verilmiş yolda 8 aydır ki, yenidənqurma işlərinə başlanılıb. Xatırladaq ki, bu işin sifarişçisi “Azəravtoyol” ASC, icraçısı isə "Akkord Sənaye Tikinti İnvestisiya Korporasiyası " ASC-dir.

Ötən ilin iyunun 1-dən başlayan təmir-tikinti işi isə hələ də yekunlaşmır. Bxmayaraq ki, ötən ilin sonuncu ayında “Azəravtoyol” ASC-nin rəsmiləri bu il yanvarın sonunadək yolun istifadəyə veriləcəyini bildirmişdilər. Bugün isə artıq deyilən vaxtdan 3 gün ötür. Göründüyü kimi, “Azəravtoyol” rəhbərliyi bu dəfə də sözünü tutmadı. Xeberinfo.com-un əldə etdiyi məlumatlardan və apardığımız araşdırmalardan belə məlum olur ki, yaxın günlərdə də yolun açılışı gözlənilmir. Torpaqbərkitmə işləri bitsə də, son tamamlama mərhələsinin hələ də zamana ehtiyacı var.

İnformasiya şöbəsi