AZ
RU
Morgan Stanleydən "OPEC" HAQDA AÇIQLAMA
Morgan Stanley (Morqan Stenli), bu gün açıqladığı hesabatında Neft İxrac edən Ölkələr Birliyinin (OPEC) hasilat kvotasını artıra biləcəyini və neft qiymətlərinin ilin ikinci yarısında yenidən düşəcəyini bildirib.
"Xeberinfo.com": Bununla yanaşı Morgan Stanley analitikləri neft qiymətlərinin Yanvar ayındakı 6 ilin ən aşağı səviyyələrindən də aşağı enə biləcəyini vurğulayıb.
Neft qiymətləri OPEC toplantısı öncəsi Səudiyyə Ərəbistanının May ayındakı rekord istehsalına davam etməsi ilə aşağı düşüb. Neft sektorundakı analitiklər və peşəkarların təhlillərinə görə, OPEC-in gündəlik neft təminatı May ayında 67 min barrel artaraq 31,57 milyon barrelə qalxmışdır. 12 ölkənin yer aldığı təşkilatın ən böyük ikinci istehsalçısı olan İraq da gündəlik neft təminatını 197 min barrel artıraraq rekord səviyyə olan 3,87 milyon barrelə çıxarmışdır.
Analitiklər bu proseslərin ardından OPEC-in 5 İyunda keçirəcəyi iclasında gündəlik neft həcmlərinin dəyişdiriləcəyini gözləmirlər. /”Marja”
