Məqsəd subsidiyaların verilməsi ilə bağlı şəffaflığın təmin olunmasıdır

"Xeberinfo.com":Görüşdə ərazidəki icra nümayəndələri, bələdiyyə sədrləri, Horadiz Aqrolizinin nümayəndələri, fermerlər və taxıl əkini ilə məşğul olan sahibkarlar iştirak etmişdir.

Füzuli rayon İcra Hakimiyyətinin başçısı Alı Alıyev tədbiri açmış, rayonda kənd təsərrüfatı məhsulları istehsalçılarına subsidiyaların ödənilməsində şəffaflığın artırılması ilə bağlı görülən işlərdən danışmışdır.

Bildirmişdir ki, taxıl istehsalçılarına subsidiyaların verilməsi Nazirlər Kabineti tərəfindən təsdiqlənmiş qaydalara uyğun verilməlidir.

Rayon İcra Hakimiyyətinin Başçısı bildirmişdir ki, subsidiyaların yazılmasında qanunun aliliyinin qarunması nəticəsində bu sahədə Füzulidə heç bir problem yaranmamışdır.

Alı Alıyev tədbirdə subsidiyaların müəyyənləşdirilməsi, sahiblərinə çatdırılması ilə bağlı rayon Komissiyanın üzvlərinə bir daha konkret tapşırıqlar vermişdir. Bildirmişdir ki, bu mühüm dövlət əhəmiyyətli məsələ daima diqqət mərkəzində saxlanılmalı, subsidiyaların yazılması zamanı qanunun aliliyi qorunmalıdır.

Rayon İcra Hakimiyyəti Başçısının Aqrar Məsələlər üzrə müavini Hüseyn Abbasov kənd təsərrüfatı məhsullarının istehsalçılarına əkin sahəsinə sərf etdikləri motor yağlarına və dizel yanacağına görə ödənilən subsidiyaların ödənilməsi ilə bağlı Nazirlər Kabineti tərəfindən müəyyənləşdirilmiş qaydalar barədə bir daha məlumat vermişdir.