AZ
RU
"İnter"dən əzmkar qələbə
Xəbər verdiyimiz kimi, dünən Avropa Liqasında II təsnifat mərhələsinin ilk oyunları keçirilib.
"Xeberinfo.com": Məlumata görə, təmsilçilərimizdən "İnter" klubu dünən növbəti matçını keçirib.
Zaur Svanadzenin komandası İslandiyada "Hafnarfyordur" klubunun qonağı olub. İlk mərhələdə "Laçi"ni (Albaniya) mübarizədən kənarlaşdıran "İnter" II təsnifat mərhələsini də keçməklə uğursuz sindroma son qoymaq niyyətindədir.
"İnter" daha öncəki illərdə ilk mərhələni uğurla adlasa da, II təsnifat mərhələsində dayanıb. Bu dəfəki rəqib isə İslandiyanın "Hafnarfyordur" klubu idi. Fasiləyə 0:1 hesabı ilə məğlub yollanan Zaur Svanadzenin komandası ikinci hissədə iki qol vurmaqla görüşdən qalib ayrılıb - 2:1.
Qeyd edək ki, bu komandalar arasında cavab qarşılaşması iyulun 23-də Bakıda keçiriləcək.
16 iyul
Avropa Liqası, II təsnifat mərhələsinin ilk oyunu
00:15. "Hafnarfyordur" (İslandiya) - "İnter" (Azərbaycan) - 1:2
Qolar: Qudnason, 39-pen (1:0), Nika Kvekveskiri, 54-pen (1:1), Diaqo Martins, 61 (1:2)
