İnsan elə məxluqdur ki, daim öz sifətində gözəllik axtarır. O, hər zaman istər ki, ətrafındakı insandan daha da gözəl görünsün.

Yenixeberorg.com: İnsanların lap qədimdən görünüşləri özlərinə maraqlı gəlib. Həmişə də bu səbəbdən insan aynaya baxmağı sevirmiş. Ayna olmayanda isə həmin insanlar özlərinə suda baxarmışlar.
İnsanı maraqlandıran vərdiş isə özünə səhər-səhər baxmaq idi. Gəlin bir sual qoyaq ortaya: İnsan hansı səbəbdən aynaya baxmağı daha çox istər?
İnsanın bəzən özündən xoşu gələ bilər. Amma elə an olar ki, heç özündən xoşu gəlməyən gün də baş verə bilər. İnsan elə məxluqdur ki, daim öz sifətində gözəllik axtarır. O, hər zaman istər ki, ətrafındakı insandan daha da gözəl görünsün.
Maraqlısı da budur ki, aynada necə varsansa, elə də görünəcəksən. Bəzən bir xanım aynaya baxanda nəsə ona xoş gəlmirsə, onu kosmetika vasitəsilə özündə düzəltməyə çalışır və daxilində nəsə düşünür:
“Nədən Allah məni gözəl yaratmadı görən?”
Belə düşüncəylə özü ilə xeyli söhbət edir.
Ağıllı qadınsa belə fikirləşir:
“Nə olsun ki, hamımız insanıq. Hansımız bir-birimizə bənzəyə bilərik? Məncə, hər kəs özünə oxşasa, daha yaxşıdır.”
Bu xanım belə düşündü və ona hər şey aydın oldu.
Başqa bir xanım baxar aynaya. Ancaq bu xanım aynaya baxıb, araya fikir toplamaz. O isə daxilində paxıllıq daşıdığı üçün yaxşı düşünə bilmir. O, yalnız Allahı günahkar çıxarır ki:
“Məni nədən belə yaradıb görəsən?”
Belə hadisələr müasir cəmiyyət arasında özünə balanslı yer tutub. Zənnimcə, bu hadisələrə görə xanımlar arasında kosmetik ləvazimatlar satılır və çox sayda da alınır.
Güzgü isə bu insanları dinlədikcə sanki nitqi kəsilirdi. Öz-özünə fikirləşirdi:
“Niyə bu insanlar belə edirlər görəsən?”
Ayna istədi özünü yığışdırsın, heç danışmasın. Amma belə haqsız söhbətləri qulaqardı edə bilmədi. O, özünü dikəldib insana sual verdi:
“Bax, ay bacım, sizlər nədən belə birtərəfli fikir yürüdürsünüz bir-biriniz haqqında? Səni də Allah yaradıb, o biri xanımı da. Nədir səni belə əldən salan?”
Ayna düşünmədən özünə cavab verdi:
“Nə olacaq, onun gözəlliyi. Allah onu necə gözəl yaradıbsa, sən də onu gözəl göstərirsən.”
O, bu sözü deyib fikrə getdi və dedi:
“Sən bura bax, ay güzgü bacı. Bəlkə o xanımı mənə acıq olsun deyə bilərəkdən çox gözəl göstərirsən?”
“Əsla, sən deyən kimi deyil.”
Ayna yenə özündə gedən söhbətə cavab verdi:
“Sən unutma, insan necədirsə, elə göstərir. İki insan bir-birinə bənzəməz. Baxmayaraq ki, müasir insanların əksəriyyəti bir-birlərinə oxşayırlar. Sizdə görünənlər də daxilinizdəki paxıllıqdan irəli gəlir.
İnsanın daxili həqiqətən gözəldirsə, bu gözəllik onun özünə qayıdacaq. O, əgər sənin gözündə çirkin görünürsə, amma onun daxili gözəlliyi öz üzünə vurub.
Əgər sizlərin də daxiliniz təmiz və saf olsa, sizin də üzünüz gözəl görünəcək.”

P.Ş. Mən yalnız həqiqəti görür və düzünü yazıram. İnsanın öz daxili dünyası onun üzünə hopur və hopacaq da...!!!!

Təranə Şəms