AZ
RU
İrəvanda aksiya keçirilib
Ermənistan parlamentinin binası qarşısında aksiya keçirilib.
"Xeberinfo.com": Məlumata görə, “A1+” telekanalında bildirilib ki, aksiya iştirakçıları Ermənistanın Avrasiya İqtisadi İttifaqına qoşulmasına etiraz ediblər. Etiraz edənlərin əksəriyyəti ölkənin müxalifət partiyalarının üzvləri olub.
Aksiyada iştirak edən müxalifət liderlərindən biri - “Milli Özünütəyin Birliyi” partiyasının sədri Paruyr Ayrikyan "ölkəni Avrasiya İttifaqına sürükləyən insanları ruhi dispanserə yerləşdirməlidirlər" deyib.
“Ermənistanın Avrasiya İqtisadi İttifaqına qoşulmasını ratifikasiya edənlər özlərindən sonra gələcək nəsillərə belə bir ismarış qoyub gedə bilərlər ki, səs verərkən onlar sadəcə “uzunqulaq” olublar. Çünki heç bir normal adam bu sazişin ratifikasiyasına səs verə bilməz”, - deyə Paryur Ayrikyan qeyd edib.
Parlament üzvlərinə ünvanladıqları məktubda aksiya iştirakçıları deputatları Ermənistanın Avrasiya İqtisadi İttifaqına qoşulmasına dair razılaşmaya qarşı çıxmağa çağırıblar.
