AZ
RU
Davudoğlu sensasion açıqlama
Türkiyənin baş naziri TBMM İŞİD-lə bağlı qərarına münasibət bildirib
"Xeberinfo.com": Türkiyənin baş naziri Əhməd Davudoğlu dünən Türkiyə Böyük Millət Məclisinin ölkəyə məxsus silahlı qüvvələrin Suriya və İraqda fəal olan İŞİD qruplaşmasına qarşı döyüşməsinə rəsmi icazə verməsinə münasibət bildirib. ANS PRESS-in məlumatına görə, xəbər proqramının efirində danışan Davudoğlu müxalifət partiyalarının bu məsələ ilə bağlı mövqeyini tənqid edib.
"Bəziləri qərar verib, bu lazımdır, bu lazım deyil deyə bilməz. Türkiyə özünün istədiyi, müəyyənləşdirdiyi prioritetlərə uyğun olduğu təqdirdə, hər cür koalisiyanın tərkibində yer ala bilər", - deyə Türkiyənin baş naziri bildirib.
Davudoğlu vurğulayıb ki, Türkiyə eynilə türkmanlar və ərəblər üçün olduğu kimi, Kobanidəki qardaşlarının üzləşdiyi zülmə qarşı da hər cür humanitar tədbiri görəcək. İŞİD-in heç vaxt Türkiyədən dəstək almadığını da bildirən Davudoğlu, Türkiyənin hər cür ssenariyə hazır olduğunu, Hələbdəki Süleyman Şah türbəsi ilə bağlı xəbərlərin də təxribat olduğunu da bildirib.
