Xəbərlər - Yenixeberorg.biz - Oxu, xəbərin olsun https://yenixeberorg.biz/ Xəbərlər - Yenixeberorg.biz - Oxu, xəbərin olsun true https://yenixeberorg.biz/xeberler/205283-deputatlar-qht-rəhbərləri-abş-konqresinin-senator-və-nümayəndələr-palatasının-üzvlərinə-müraciət-ediblər.html Admin Xəbərlər Sat, 10 Oct 2026 11:41:48 +0400

Milli Məclisin deputatları, bir sıra qeyri-hökumət təşkilatlarının rəhbərləri və nümayəndələri ABŞ Konqresinin Senatorlarına və Nümayəndələr Palatasının üzvlərinə məktubla müraciət ediblər.

Yenixeberorg.biz müraciətin mətnini təqdim edir:

Hörmətli Senatorlar və Nümayəndələr Palatasının üzvləri!

Biz, Azərbaycan Respublikası Milli Məclisinin və qeyri-hökumət təşkilatlarının üzvləri, Sizə Azərbaycanla bağlı 5 oktyabr 2026-cı il tarixli məktubunuza cavab olaraq müraciət edirik. Biz Amerika Birləşmiş Ştatları Konqresi ilə dialoqa böyük əhəmiyyət verir və Azərbaycanla Ermənistan arasında davamlı sülhün təmin olunması məqsədini bölüşürük. Bununla belə, hesab edirik ki, məktubunuzda əksini tapan bir sıra müddəalar mühüm tarixi və hüquqi konteksti nəzərə almır və ABŞ-nin diplomatik səyləri nəticəsində əldə edilmiş irəliləyişi çətinləşdirmək riski daşıyır.

Azərbaycan otuz ildən artıq müddətdə münaqişə və beynəlxalq səviyyədə tanınmış ərazilərinin təxminən 20 faizinin işğalının nəticələri ilə üzləşib. 20 mindən çox azərbaycanlı qətlə yetirilib, bir milyondan artıq insan Ermənistandan və Azərbaycanın əvvəllər işğal altında olmuş ərazilərindən didərgin düşüb. İtkin düşmüş 4010 azərbaycanlının taleyi hələ də məlum deyil. 613 mülki şəxsin həlak olduğu Xocalı qətliamı, eləcə də kəndlərin və şəhərlərin, dini məkanların və mədəni irs nümunələrinin dağıdılması milli tariximizin ən ağrılı səhifələrindəndir. Münaqişəyə dair istənilən qiymətləndirmə prosesində bu reallıqlar nəzərə alınmalıdır.

Minalar və partlamamış hərbi sursatlar insanların həyatını təhlükə altında qoymağa, həmçinin bərpa işlərinə və didərgin düşmüş ailələrin təhlükəsiz qayıdışına mane olmağa davam edir. Azərbaycanın qiymətləndirməsinə əsasən, ölkə ərazisinin təqribən 13 faizində 1,5 milyona yaxın mina basdırılıb. 2020-ci ildən bəri mina və digər sursatların partlaması nəticəsində 440-dan çox Azərbaycan vətəndaşı zərər çəkib. Bu baxımdan, Konqresi humanitar minatəmizləmə fəaliyyətinə, habelə itkin düşmüş şəxslərin taleyinin müəyyənləşdirilməsinə, o cümlədən mümkün dəfn yerləri və taleyi naməlum qalan şəxslər barədə məlumatların əldə edilməsinin zəruriliyinə davamlı diqqət yetirməyə çağırırıq.

Mövcud çətinliklərə baxmayaraq, Prezident İlham Əliyev sülhün təmin olunmasına, münasibətlərin normallaşdırılmasına və regional iqtisadi inteqrasiyaya yönəlmiş strateji xətt yürüdüb. Azərbaycan sülh sazişinin hazırlanması təşəbbüsünü irəli sürüb və Ermənistan tərəfinə sazişin layihəsini təqdim edib. Biz Prezident Donald Trampın bu prosesin irəlilədilməsində mühüm rolunu qəbul edir və yüksək qiymətləndiririk.

2025-ci il avqustun 8-də Vaşinqtonda keçirilmiş Sülh Sammiti mühüm diplomatik mərhələ olub. Prezident Trampın şahidliyi ilə imzalanmış Birgə Bəyannamə və "Azərbaycan Respublikası ilə Ermənistan Respublikası arasında sülhün və dövlətlərarası münasibətlərin qurulması haqqında" Sazişin paraflanması praktiki əməkdaşlıq üçün yeni imkanlar açıb. Azərbaycanın neft məhsullarının Ermənistana ixracı da daxil olmaqla, ticarət əlaqələri qurulub. Beynəlxalq Sülh və Rifah naminə Tramp Marşrutu (TRIPP) isə regional nəqliyyat və kommunikasiya əlaqələrinin möhkəmləndirilməsi üçün perspektivlər açır. Bütün bunlar, eyni zamanda, ABŞ-Azərbaycan strateji tərəfdaşlığının daha da gücləndirilməsi üçün əlverişli zəmin yaradır.

Milli Məclisin və qeyri-hökumət təşkilatlarının üzvləri olaraq, biz bu sülh gündəliyini dəstəkləyir və hesab edirik ki, Konqres əldə edilmiş nailiyyətlərin möhkəmləndirilməsində konstruktiv rol oynaya bilər.

Sizin məktubunuzda saxlanılan bəzi şəxslər "siyasi və hərbi liderlər" kimi təqdim olunur. Bu ifadələr reallığı əks etdirmir. Həmin şəxslər Azərbaycanın suveren ərazisində Ermənistan tərəfindən yaradılmış qanunsuz separatçı qurumda yüksək vəzifələr tutublar və müharibə cinayətləri də daxil olmaqla, ağır cinayətlərə görə mühakimə olunublar. Məhkəmə proseslərində təqsirləndirilən şəxslərin müdafiə hüququ təmin edilib, hökm çıxarılmazdan əvvəl isə sübutlar və şahid ifadələri araşdırılıb. Konqresin ədalətli məhkəmə araşdırması prinsipinə verdiyi əhəmiyyəti bölüşürük. Eyni zamanda, Azərbaycanın suverenliyinə və məhkəmə institutlarına münasibətdə də digər dövlətlərə göstərilən yanaşmaya uyğun hörmətin nümayiş etdirilməsinin vacibliyini vurğulayırıq.

Bununla yanaşı, təxminən 241 km² ərazinin guya Azərbaycanın işğalı altında olan Ermənistan ərazisi kimi təqdim edilməsinə etiraz edirik. Azərbaycan Ermənistanın suverenliyini və ərazi bütövlüyünü tanıyır. İki ölkə arasındakı beynəlxalq sərhədin ayrı-ayrı hissələri üzrə dəqiq xəttin müəyyənləşdirilməsi ikitərəfli delimitasiya və demarkasiya prosesinin predmetidir. Hesab edirik ki, bu məsələlər nəticəni əvvəlcədən müəyyənləşdirən birtərəfli qiymətləndimələr əsasında deyil, mövcud mexanizmlər çərçivəsində həll olunmalıdır.

Konqres mədəni irs məsələsində etibarlı və prinsipial yanaşma zamanı əvvəllər işğal altında olmuş ərazilərdə və Ermənistanda Azərbaycan məscidlərinin, qəbiristanlıqlarının, ziyarətgahlarının və tarixi abidələrinin dağıdılmasını və təhqir olunmasını da nəzərə almalıdır. Dini və mədəni irsin qorunması universal prinsipə əsaslanmalı, ayrı-seçkiliyə və seçici yanaşmaya yol verilməməlidir.

Konqresi, həmçinin, "Azadlığa Dəstək Aktı"nın 907-ci maddəsinin tam ləğvini nəzərdən keçirməyə çağırırıq. 907-ci maddə artıq tarixi şəraiti, mövcud geosiyasi reallıqları və Azərbaycan–Ermənistan münasibətlərinin hazırkı vəziyyətini əks etdirmir. Onun tətbiqinin dayandırıldığı hallarda belə, bu maddə ikitərəfli tərəfdaşlığımızın bütün potensialının reallaşdırılmasına maneə olaraq qalır. Maddənin ləğvi regional sülh prosesinə və ABŞ–Azərbaycan münasibətlərində yeni mərhələnin başlanmasına Konqresin dəstəyini ifadə edən əhəmiyyətli mesaj olardı.

Bu, ABŞ-nin ikipartiyalı siyasi rəhbərliyi üçün bir fürsətdir. Azərbaycanla Ermənistan arasında sülh Vaşinqtonda partiyalararası mübahisə predmetinə çevrilməməlidir. Əksinə, bu, regional sabitliyi, iqtisadi imkanları və ABŞ-nin maraqlarını irəli aparan diplomatik nailiyyət kimi qiymətləndirilməlidir. Məhz ikipartiyalı yanaşma ABŞ administrasiyalarına ölkəmizlə onilliklər ərzində davam edən tərəfdaşlıq qurmağa, ölkənizin əsas siyasət prioritetlərinə, o cümlədən sülhməramlı əməliyyatlara Azərbaycanın dəstəyindən faydalanmağa imkan verib.

Azərbaycan və Ermənistan humanitar, hüquqi, siyasi və praktiki xarakterli həllini gözləyən məsələləri birbaşa ikitərəfli dialoq vasitəsilə həll etməyə sadiq olduqlarını bəyan ediblər. Xarici tərəfdaşlar bu prosesi dəstəkləməklə və hər iki tərəf üçün məqbul həll yollarını təşviq etməklə ən yaxşı şəkildə yardım göstərə bilərlər.

Regionumuz böyük əzab və iztirablardan keçib, lakin indi fərqli gələcək qurmaq üçün real imkan yaranıb. Vaşinqton Sammitindən sonra əldə olunmuş irəliləyişin möhkəmləndirilməsi, Azərbaycan–ABŞ münasibətlərinin gücləndirilməsi və Cənubi Qafqazda davamlı sülhün təmin olunması naminə sizi əməkdaşlığa dəvət edirik.

Hörmətlə,

Azərbaycan Respublikası Milli Məclisinin üzvləri:

1. Məmmədov Qaya

2. Yıldırım Fatma

3. Vəliyev Samir

4. Rüstəmxanlı Tənzilə

5. Rəhimzadə Vüqar

6. Oruc Zahid

7. Nurullayev Razi

8. Məsimli Əli

9. Məmmədov Elman

10. Məhərrəmov Bəhruz

11. Musayev Elşən

12. Mustafa Fazil

13. Musabəyov Rasim

14. Musayev Elşad

15. Mollazadə Asim

16. Mirzəzadə Aydın

17. Mirzəbəyli Elçin

18. Mahmudov Rəşad

19. Qurbanov Sadiq

20. Qurbanov Eyvaz

21. Qurbanlı Mübariz

22. Qafarov Vasif

23. Həsənquliyev Qüdrət

24. Həmzəyev Naqif

25. Əliyeva Jalə

26. Əli-Zadə Arzuxan

27. Cəfərova Tamam

28. Vəliyeva Mehriban

29. Xasayeva Səbinə

30. Hacıyev Sabir

Qeyri-hökumət təşkilatlarının üzvləri:

1. Ramil İskəndərli – Azərbaycan Milli QHT Forumunun İdarə Heyətinin sədri

2. Əmir Əliyev – "İnsan Hüquqlarının Təşviqi Mərkəzi" İctimai Birliyinin sədri

3. Əliməmməd Nuriyev – "Konstitusiya" Araşdırmalar Fondunun rəhbəri

4. Zaur Məmmədov – Bakı Politoloqlar Klubunun sədri

5. Rey Qasımov – "Azərbaycanda Mina Qurbanlarının Assosiasiyası" İctimai Birliyinin sədri

6. Hafiz Səfixanov – "Azərbaycanda Minadan Zərərçəkənlərin Assosiasiyası" İctimai Birliyinin sədri

7. Zaur İbrahimli – "Prioritet" Sosial İqtisadi Araşdırmalar Mərkəzi İctimai Birliyinin sədri

8. Könül Behbudova – "Qarabağ İtkin Ailələri" İctimai Birliyinin sədri

9. Ayaz Mirzəyev – "Azərbaycan Jurnalistlər Şəbəkəsi" İctimai Birliyinin sədri

10. Umud Rəhimoğlu – Beynəlxalq Avrasiya Mətbuat Fondunun sədri

11. Sevinc Əlizadə – "Zəfər" Şəhid Ailələrinə Dəstək İctimai Birliyinin sədri

]]> true https://yenixeberorg.biz/xeberler/205282-bir-sıra-birinci-instansiya-məhkəmələrinə-hakimlər-təyin-edilib.html Admin Xəbərlər Sat, 10 Oct 2026 11:05:35 +0400

Azərbaycan Prezidenti İlham Əliyev bir sıra birinci instansiya məhkəmələri hakimlərinin təyin edilməsi haqqında Sərəncam imzalayıb.

Yenixeberorg.biz-in məlumatına görə, dövlət başçısının imzaladığı sənəddə deyilir:

"Məhkəmələr və hakimlər haqqında" Azərbaycan Respublikası Qanununun 94-cü və 96-cı maddələrinə uyğun olaraq, aşağıdakı hakimlər birinci instansiya məhkəmələrinin hakimləri təyin edilsinlər:

Ağır cinayətlər məhkəmələri üzrə:

Bakı Ağır Cinayətlər Məhkəməsi

Muradov Pərviz Namiq oğlu

Gəncə Ağır Cinayətlər Məhkəməsi

Bəşirov Cəmil İsmayıl oğlu

Lənkəran Ağır Cinayətlər Məhkəməsi

Məmmədova Esmira Qərib qızı

Sumqayıt Ağır Cinayətlər Məhkəməsi

İsmayılov Samir Bəyistan oğlu

Quliyev Tariyel Şirindil oğlu

Şəki Ağır Cinayətlər Məhkəməsi

Əfəndizadə Tural Qurbanəli oğlu

İnzibati məhkəmələr üzrə:

Naxçıvan Muxtar Respublikasının İnzibati Məhkəməsi

Əliyev Tural Yusif oğlu

Sumqayıt İnzibati Məhkəməsi

Həbibova Könül Əbülfəz qızı

Şirəliyeva Vəfa Zavrulla qızı

Şirvan İnzibati Məhkəməsi

Qurbanova Pərvanə Tahir qızı

kommersiya məhkəmələri üzrə:

Naxçıvan Muxtar Respublikasının Kommersiya Məhkəməsi

Musayev Kamran İbrahim oğlu

Gəncə Kommersiya Məhkəməsi

Qələndərzadə Ramiq Ramis oğlu

Sumqayıt Kommersiya Məhkəməsi

Həmidli Fərman Fəzail oğlu

Mirzəfərova Könül Murtuz qızı

Şəki Kommersiya Məhkəməsi

Qurbanova Mazlum Gülnaz İntiqam qızı

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Məmmədov Pərviz Şahin oğlu

Bakı şəhəri Xətai Rayon Məhkəməsi

Məmmədli Aydan Zakir qızı

Bakı şəhəri Xəzər Rayon Məhkəməsi

Abiyeva Nərmin Mirhəsən qızı

Bakı şəhəri Nəsimi Rayon Məhkəməsi

Musayeva Vüsalə Vahid qızı

Bakı şəhəri Nizami Rayon Məhkəməsi

Əliyeva Starə Vidadil qızı

Bakı şəhəri Suraxanı Rayon Məhkəməsi

Əliyeva Aynur Məhəmməd qızı

Rzayeva Fəridə İslam qızı

rayon (şəhər) məhkəmələri üzrə:

Abşeron Rayon Məhkəməsi

Qasımov Abusət Sahib oğlu

Mirhəsənli Mirnəsir Mirfazil oğlu

Gəncə Şəhər Məhkəməsi

Əliyeva Leyla Kamil qızı

Xanməmmədova Liza Əliəşrəf qızı

Füzuli Rayon Məhkəməsi

İsmayılov Elmir Akif oğlu

Hacıqabul Rayon Məhkəməsi

Bayramov Orxan Telman oğlu

Mingəçevir Şəhər Məhkəməsi

Quliyeva Güləndam Gündüz qızı

Neftçala Rayon Məhkəməsi

Mürsəlova Aygün Mayıl qızı

Sumqayıt Şəhər Məhkəməsi

Əliyeva Vəsilə Əlövsət qızı

Ucar Rayon Məhkəməsi

Bədəlov Xəyal Natiq oğlu.

Hərbi məhkəmələr üzrə:

Cəlilabad Hərbi Məhkəməsi

Muxtarov Mirtale Mirzamin oğlu

inzibati məhkəmələr üzrə:

Şəki İnzibati Məhkəməsi

Həsənzadə Səbuhi Mehdi oğlu

Həşim Rəşad Əlisahib oğlu

Naxçıvan Muxtar Respublikasının rayon (şəhər) məhkəmələri üzrə:

Culfa Rayon Məhkəməsi

Qurbanova Gülay Əjdər qızı

Naxçıvan Şəhər Məhkəməsi

Nəcəfova Taliyə Tofiq qızı

Bakı şəhərinin rayon məhkəmələri üzrə:

Bakı şəhəri Binəqədi Rayon Məhkəməsi

Cəfərov Vüsal Suliddin oğlu

Əkbərova Aysel Seymur qızı

Əzizli Bəsdi İlham qızı

Bakı şəhəri Xətai Rayon Məhkəməsi

Səfərova Ülkər Asim qızı

Bakı şəhəri Nərimanov Rayon Məhkəməsi

Əliyev Natiq Abbas oğlu

Məmmədova Nuranə Asif qızı

Bakı şəhəri Nizami Rayon Məhkəməsi

Nəcəfova Lamiə Amil qızı

Bakı şəhəri Sabunçu Rayon Məhkəməsi

Abbasova Fərəh Qulam qızı

Bakı şəhəri Səbail Rayon Məhkəməsi

Əhmədli Səxavət Böyükağa oğlu

Bakı şəhəri Suraxanı Rayon Məhkəməsi

Rzayev Əsvər Məhərrəm oğlu

Zərbiyeva-Babazadə Fatimə Qədir qızı

Bakı şəhəri Yasamal Rayon Məhkəməsi

Kazımova Şəhla Saleh qızı

Rayon (şəhər) məhkəmələri üzrə:

Ağcabədi Rayon Məhkəməsi

Süleymanova Leyla Abbas qızı

Balakən Rayon Məhkəməsi

Abbaslı Vüqar Qurban oğlu

Bərdə Rayon Məhkəməsi

Həmidova Aynur Eldar qızı

Məmmədov Rəsul Yasər oğlu

Daşkəsən Rayon Məhkəməsi

Abbasov Lətif Kazım oğlu

Füzuli Rayon Məhkəməsi

Nəsirli Nərmin Hüseyn qızı

Gədəbəy Rayon Məhkəməsi

Hümbətov Əli Surxay oğlu

Gəncə Şəhər Məhkəməsi

Abbasov Səbuhi Mehdi oğlu

Goranboy Rayon Məhkəməsi

Abdullayev Hörmət Uğurlu oğlu

Göyçay Rayon Məhkəməsi

Hümbətov Elmir Sahib oğlu

İmişli Rayon Məhkəməsi

Məmmədova Rübabə Əşrəf qızı

Qobustan Rayon Məhkəməsi

Adıgözəlova Bəxtşən Aydın qızı

Quba Rayon Məhkəməsi

İsa-zadə Elnur Nizami oğlu

Saatlı Rayon Məhkəməsi

Kazımlı Araz Osman oğlu

Sabirabad Rayon Məhkəməsi

Mikayılov Səbuhi Həsənpaşa oğlu

Salyan Rayon Məhkəməsi

Babayev Rəşad Mahir oğlu

Sumqayıt Şəhər Məhkəməsi

Məmmədov Fariz Rais oğlu

Şəmkir Rayon Məhkəməsi

Əlizadə Əli İlqar oğlu

Şirvan Şəhər Məhkəməsi

Allahverdiyev Fuad Zahir oğlu

Məmmədova Aydan Adgözəl qızı

Tovuz Rayon Məhkəməsi

İslamzadə Vüqar Səyyar oğlu

Zaqatala Rayon Məhkəməsi

Tağıyeva Vəfa Hənifə qızı.

]]> true https://yenixeberorg.biz/xeberler/205281-bu-gündən-azərbaycanda-ov-mövsümü-açılıb.html Admin Xəbərlər Sat, 10 Oct 2026 10:38:30 +0400

Azərbaycanda bu gündən etibarən ov mövsümü açıq elan edilib.

Yenixeberorg.biz xəbər verir ki, bu barədə qərar "Ov Məsələləri üzrə Koordinasiya Şurası"nın iclasında qəbul edilib.

Ov etmək istəyən vətəndaşlar ovlanmasına icazə verilən vəhşi heyvan və quşların ovlanma müddətləri və normaları barədə məlumatları Ekologiya və Təbii Sərvətlər Nazirliyinin eco.gov.az rəsmi internet səhifəsinin "Elanlar" bölməsindən əldə edə bilərlər.

]]> true https://yenixeberorg.biz/xeberler/205280-azərbaycan-xi̇n-ficini-milli-gün-münasibətilə-təbrik-edib.html Admin Xəbərlər Sat, 10 Oct 2026 10:24:59 +0400

Azərbaycan Xarici İşlər Nazirliyi (XİN) Fici Respublikasının xalqını və hökumətini ölkənin Milli Günü münasibətilə təbrik edib.

Yenixeberorg.com xəbər verir ki, bu barədə qurumun "X" sosial şəbəkəsindəki paylaşımında bildirilib.

"Fici Respublikasının xalqını və hökumətini Ficinin Milli Günü münasibətilə ürəkdən təbrik edirik! Milli Gününüz mübarək olsun!" - məlumatda qeyd olunub.

]]> true https://yenixeberorg.biz/gununxeberi/205279-15-saat-danışıblar.html Admin Günün xəbəri, Xəbərlər Sat, 10 Oct 2026 09:54:38 +0400
Putinlə Tramp 1,5 saat danışıb, telefonu bağlamaq istəməyib

Rusiya Prezidenti Vladimir Putinlə ABŞ lideri Donald Tramp arasında telefon danışığı bir saat yarım davam edib. Söhbət dostluq şəraitində keçib və liderlərdən heç biri telefonu birinci bağlamaq istəməyib.

Yenixeberorg.biz: Bunu Rusiya Prezidentinin köməkçisi Yuri Uşakov jurnalistlərə açıqlamasında bildirib.

Onun sözlərinə görə, oktyabrın 9-da baş tutan telefon danışığı kifayət qədər məzmunlu və səmimi olub.

“Heç biri telefonu birinci bağlamaq istəmirdi. Nəticədə hər iki prezident dəstəyi eyni vaxtda yerinə qoydu”, – Uşakov bildirib.

Rusiya Prezidentinin köməkçisi liderlərin söhbəti zamanı müzakirə olunan digər məsələləri də açıqlayıb.

O bildirib ki, Tramp Putini doğum günü münasibətilə səmimi təbrik edib, ona uğurlar və rifah arzulayıb. ABŞ lideri, həmçinin həyat yoldaşı Melaniya Trampın salamlarını çatdırıb.

Danışıq zamanı Ukraynadakı müharibə və mümkün sülh danışıqları da müzakirə olunub. Putin Rusiyanın siyasi-diplomatik yolla uzunmüddətli sülhə nail olmağa hazır olduğunu bildirsə də, Moskvanın hərbi əməliyyatlarla bağlı mövqeyinin dəyişmədiyini vurğulayıb.

Uşakovun sözlərinə görə, Putin Rusiyada parlament seçkiləri zamanı Ukrayna Silahlı Qüvvələrinin həyata keçirdiyini iddia etdiyi hücumlara toxunaraq, Moskvanın danışıqların nə vaxt bərpa olunacağını yenidən nəzərdən keçirəcəyini bildirib.

Bundan başqa, prezidentlər humanitar məsələləri, o cümlədən Aleşki şəhərindəki vəziyyəti müzakirə ediblər. Müvafiq nümayəndələrin Melaniya Trampın aparatı ilə daimi əlaqədə olması razılaşdırılıb.

Uşakov Putinlə Trampın növbəti görüşünün tarixinin hələ müzakirə edilmədiyini də açıqlayıb. Bununla belə, hər iki liderin noyabrda Çində keçiriləcək Asiya-Sakit Okean İqtisadi Əməkdaşlıq Təşkilatının (APEC) sammitində iştirak etməkdə maraqlı olduğunu bildirib.

Onun sözlərinə görə, prezidentlər sammitə qatılsalar, görüşmək və fikir mübadiləsi aparmaq imkanı əldə edə bilərlər.

]]> true https://yenixeberorg.biz/xeberler/205278-masazırda-4-avtomobil-yanıb.html Admin Xəbərlər, Hadisə Sat, 10 Oct 2026 09:49:20 +0400

Abşeron rayonunun Masazır qəsəbəsində dörd avtomobil yanıb.

Yenixeberorg.biz-in məlumatına görə, hadisə Yeni Bakı yaşayış massivində qeydə alınıb.

Əraziyə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları cəlb olunub.

Yanğın qısa müddətdə söndürülüb.

Hadisənin başvermə səbəbi və digər təfərrüatlar dəqiqləşdirilir.

]]> true https://yenixeberorg.biz/xeberler/205276-azərbaycanın-daha-4-cüdoçusu-bakıdakı-dünya-çempionatında-mübarizəyə-qoşulacaq.html Admin Xəbərlər, İdman Sat, 10 Oct 2026 09:26:48 +0400

Bakıda keçirilən cüdo üzrə böyüklər arasında dünya çempionatında bu gün Azərbaycanın 4 təmsilçisi tatamiyə çıxacaq.

Yenixeberorg.biz xəbər verir ki, qadınlardan Madina Kaisinova (+78 kq), kişilərdən isə Camal Qamzatxanov, Uşanqi Kokauri və Kənan Nəsibov (hər üçü +100 kq) mübarizəyə qoşulacaqlar.

M.Kaisinova yarışa 1/16 finaldan başlayacaq. Onun ilk rəqibi İtaliya təmsilçisi Asya Tavano olacaq.

Mundiala 1/32 finaldan start verəcək C.Qamzatxanov Çili cüdoçusu Fransisko Solislə qarşılaşacaq.

U.Kokauri və K.Nəsibov mübarizəyə 1/16 final mərhələsindən qoşulacaqlar. Kokaurinin rəqibi Qırğızıstan təmsilçisi Emirxan Yoldoşkazıyev olacaq. Nəsibov isə Losseni Kone (Almaniya) – Vidak Malyeviç (Serbiya) görüşünün qalibi ilə üz-üzə gələcək.

Xatırladaq ki, Milli Gimnastika Arenasında təşkil olunan mundial oktyabrın 11-də başa çatacaq. Daha əvvəl Azərbaycan təmsilçilərindən Əhməd Yusifov (60 kq) qızıl, Zelim Tçkayev (81 kq) gümüş, Rəşid Məmmədəliyev (73 kq), Ömər Rəcəbli (81 kq) və Murad Fətiyev (90 kq) bürünc medal qazanıblar.

]]> true https://yenixeberorg.biz/gununxeberi/205277-tramp-özünü-8-nobel-sülh-mükafatına-layiq-görüb.html Admin Günün xəbəri, Xəbərlər Sat, 10 Oct 2026 08:38:44 +0400 ABŞ Prezidenti Donald Tramp

ABŞ Prezidenti Donald Tramp beynəlxalq münaqişələrin nizamlanmasında rol oynadığını iddia edərək səkkiz Nobel Sülh Mükafatına layiq olduğunu bildirib.

Yenixeberorg.biz: Amerika lideri bu barədə Truth Social sosial şəbəkəsində yazıb və Norveç Nobel Komitəsinin qərarından narazılığını ifadə edib.

"Mən səkkiz müharibəni nizamlamışam. Kömək etdiyim ölkələrin prezidentləri və baş nazirləri Norveç Nobel Komitəsinə məktublar göndəriblər. Əslində, mən bir deyil, səkkiz Nobel Sülh Mükafatı almalı idim", – deyə Tramp yazıb.

Onun sözlərinə görə, söhbət Kamboca və Tailand, Kosovo və Serbiya, Konqo Demokratik Respublikası və Ruanda, Pakistan və Hindistan, İsrail və İran, Misir və Efiopiya, Ermənistan və Azərbaycan, eləcə də İsrail və HƏMAS arasında baş vermiş münaqişələrdən gedir.

ABŞ Prezidenti həmçinin İran ətrafında və Rusiya-Ukrayna arasında daha iki münaqişənin nizamlanmasına yaxın olduqlarını iddia edib.

"Hər iki proses sürətlə irəliləyir. Lakin onları nəzərə almasaq belə, artıq nizamladığım səkkiz müharibə Nobel Sülh Mükafatına layiq görülməyim üçün kifayət qədər əsasdır", – deyə o qeyd edib.

Tramp BMT-də çalışan bir qadına mükafat verilməsi qərarını tənqid edərək onun haqqında heç nə bilmədiyini bildirib. O, həmçinin laureatı İsrailə qarşı düşmən münasibətdə olmaqda ittiham edib.

Amerika lideri beynəlxalq səviyyədə tanınmağa layiq olduğunu düşündüyü digər nailiyyətlərini də sadalayıb. O, xüsusilə İranın nüvə silahı əldə etməsinin qarşısını aldığını, girovların azad edilməsinə və siyasi məhbusların geri qaytarılmasına nail olduğunu, eləcə də NATO ölkələrinin müdafiə xərclərini artırdığını iddia edib.

Bundan başqa, Tramp Koreya yarımadasında və Tayvan ətrafında silahlı münaqişələrin qarşısını aldığını bildirib.

"Mən tarixdə hamıdan çox insanın həyatını xilas etmişəm", – deyə ABŞ Prezidenti vurğulayıb.

O, həmçinin Birləşmiş Millətlər Təşkilatının sadaladığı münaqişələrin nizamlanmasında ona heç bir kömək göstərmədiyini iddia edib.

"Mənim ölkənizin prezidenti kimi təmsil etdiyim Amerika Birləşmiş Ştatları Nobel Sülh Mükafatını almalı idi. Lakin bu, baş vermədi", – deyə Tramp yazıb. Onun fikrincə, Nobel Komitəsinin qərarı Norveçin və Nobel Sülh Mükafatının nüfuzuna düzəlməz zərər vurub.

]]> true https://yenixeberorg.biz/xeberler/205275-azərbaycanın-xəzər-dənizinin-dayazlaşması-ilə-bağlı-təşəbbüsünü-dəstəkləyirik.html Admin Xəbərlər Fri, 09 Oct 2026 18:44:23 +0400 Azərbaycanın Xəzər dənizinin dayazlaşması ilə bağlı təşəbbüsünü dəstəkləyirik

Qazaxıstan Azərbaycanın Baş nazir müavinləri səviyyəsində Xəzər dənizinin dayazlaşması üzrə Hökumətlərarası Komissiyanın yaradılması barədə təklifini dəstəkləyir.

Yenixeberorg.biz xəbər verir ki, bu barədə Qazaxıstan Prezidenti Kasım-Jomart Tokayev Türkmənistanda keçirilən Xəzər Ekoloji Sammitində bildirib.

"Qazaxıstan Azərbaycanın Baş nazir müavinləri səviyyəsində Xəzər dənizinin dayazlaşması üzrə Hökumətlərarası Komissiyanın yaradılmasına dair təklifini dəstəkləyir. Xəzəryanı dövlətlər tərəfindən həmçinin Xəzər dənizinin su ehtiyatlarının qorunması üzrə Dövlətlərarası proqramın hazırlanması barədə Qazaxıstanın təklifi bəyənilib", - K.Tokayev bildirib.

Onun sözlərinə görə, əməkdaşlığın mövcud beynəlxalq-hüquqi və institusional əsasına baxmayaraq, görülən tədbirlər Xəzərin ekoloji problemlərinin həlli üçün kifayət deyil. O, Xəzəryanı dövlətləri dayazlaşmanın nəticələrini yumşaltmaq, iqtisadiyyatları və ekosistemləri baş verən dəyişikliklərə uyğunlaşdırmaq üçün əlaqələndirilmiş fəaliyyətə keçməyə çağırıb.

K.Tokayev həmçinin Tehran konvensiyasının əhəmiyyətini və BMT-nin Ətraf Mühit Proqramının təbiəti mühafizə fəaliyyətinə verdiyi töhfəni qeyd edib.

Dövlət başçısı Şimali Aralın bərpası üzrə Qazaxıstanın təcrübəsini misal çəkib. Onun sözlərinə görə, dənizin sahəsini 36 % artırmaq mümkün olub ki, bu da suyun keyfiyyətinin yaxşılaşmasına, balıq ehtiyatlarının bərpasına və ətraf ərazilərin iqtisadi həyatının canlanmasına kömək edib.

Qazaxıstan Prezidenti bu təcrübənin Xəzər dənizinin unikal ekosisteminin qorunub saxlanması üçün tətbiq edilə biləcəyini qeyd edib.

]]> true https://yenixeberorg.biz/xeberler/205274-frankfurt-sərgisi-çərçivəsində-azərbaycan-ədəbiyyatı-geniş-təqdim-olunub.html Admin Xəbərlər Fri, 09 Oct 2026 18:40:51 +0400 Frankfurt sərgisi çərçivəsində Azərbaycan ədəbiyyatı geniş təqdim olunub
78-ci Frankfurt Beynəlxalq Kitab Sərgisi çərçivəsində Azərbaycan ədəbiyyatına həsr olunan panel keçirilib.

Yenixeberorg.biz: Bu barədə Mədəniyyət Nazirliyindən məlumat verilib.

Paneldə şair, tədqiqatçı Fərid Hüseyn "Azərbaycan ədəbiyyatı – dünyaya açılan pəncərə" mövzusunda məruzə ilə çıxış edib.

Məruzədə Azərbaycan ədəbiyyatının keçdiyi tarixi yol, yaranmış milli ədəbi irs, dünya oxucuları üçün ən çox maraq doğura biləcək məqamlar və görkəmli qələm sahibləri haqqında söz açılıb.

F.Hüseyn həmçinin müasir Azərbaycan dili və onun perspektivləri, tərcümə mübadiləsi məsələləri barədə də danışıb.

Mədəniyyət Nazirliyi Kitabxanalar və nəşriyyatlarla iş sektorunun müdiri Lalə Məmmədova Azərbaycan ədəbiyyatının beynəlxalq miqyasda tanıdılması istiqamətində nazirlik tərəfindən həyata keçirilən layihələr və təşəbbüslər barədə məlumat verib.

O, "Azərbaycan Mədəniyyəti – 2040" Konsepsiyasında müəyyən edilmiş strateji istiqamətlərə uyğun olaraq, Azərbaycan müəlliflərinin əsərlərinin xarici dillərə tərcüməsini, nəşrini və beynəlxalq auditoriyaya çatdırılmasını təşviq edəcək "Azərbaycan ədəbiyyatı xaricdə" dəstək proqramının hazırlanması istiqamətində işlərin yekunlaşmaq üzrə olduğunu diqqətə çatdırıb.

Azərbaycanın regionun ən böyük kitab festivalına ev sahibliyi etdiyini vurğulayan sektor müdiri cari il oktyabrın 21-27-də keçiriləcək XII Bakı Beynəlxalq Kitab Sərgisi haqqında danışıb. Sərginin əsas istiqamətləri, beynəlxalq iştirakçılığı və təqdim etdiyi əməkdaşlıq imkanları barədə tədbir iştirakçılarına məlumat verilib.

Yazıçı, ədəbi agent Xəyalə Murad isə çıxışında müasir Azərbaycan ədəbiyyatının beynəlxalq kitab bazarında təmsilçiliyi və xarici nəşriyyatlarla qurulan əməkdaşlıq təcrübəsindən bəhs edib.

O, əsərləri üzrə xarici ölkələrdə nəşr və tərcümə hüquqları əldə edilmiş Azərbaycan müəllifləri, müxtəlif janrlarda Azərbaycan ədəbiyyatına beynəlxalq maraq, eləcə də artıq bir sıra xarici dillərdə nəşr olunmuş əsərlər barədə danışıb.

Sərginin keçirildiyi məkanda Mədəniyyət Nazirliyi və Berlindəki Azərbaycan Mədəniyyət Mərkəzinin təşkilatçılığı ilə Azərbaycan Milli stendi də qurulub.

]]>